لغه الجسد

" لغة الجسد "



اول شي لغة الجسد هي انك تترجم حركات أي شخص بعقلك وتفهمه
احياناً يكون ساكت وبعيد وانت ماتعرفه بس تفهم شي من حركاته
واحياناً يكون يحكي معك وتحس في اختلاف قوي بين اللي يقوله واللي يسويه
تعتبر لغة الجسد ممثله لـ 55% والباقي مقسم بين الكلمات ونبرة الصوت

,،

لغة الجسد ماتقتصر فقط على الوقفه ولا الجلسة ولا اليدين !
أحياناً حركة بالحاجب تعني كثير
احياناً حركة عضلة بالخد تعني شي
أحياناً عدسة العين تتحرك يمين او يسار برضو تعني شي

مو معناة كلامي انها صعبه بس تبيها لها سرعة بديه وقوة ملاحظه ..

,،

تقبل الناس له !

اغلب الناس مايعترف بهالشي رغم انه علم واسع
بدا من الستينات تقريباً بحوث ودراسات !
بعدين بدوا الناس يتقبلونه وبدوا ناس يدرسونه كـ فضول وليس كـ مستقبل
وفي ناس قللوا من حقه وقالوا يندرج تحت علم النفس

,،

لحد الان يعتبر هالعلم هواية او فضول ومحد اخذه بشكل رسمي!
هذا الكلام فقط هنا بالعالم العربي اما برا بالعكس ماخذينه بجديه اكبر !

,،

بعطيكم كم مثال اعتقد بتفيدكم كثير :



جلوس الرجل ووضع يده على اعلا الكرسي بجانبه
هالشي يعني ان هالرجل مستعد يعطي من عاطفته

*




زم الشفاه
هالشي يعني ان الشخص اللي قدامك طرا على باله شي مايبي يقولك عنه
*



تحرك عدسة العين اثناء سؤالك له
اذا تحركت يمين يعني تذكر شي حقيقي وبيقوله لك
اذا تحركت يسار يعني هو بصدد اطلاق كذبه على راسك

*



وضع اليد على الفم عند الاطفال اقوى علامة على الكذب
يعني تقوله من خرب اللاب يسوي نفسه متفاجيء ويحط يده على فمه



برضو الشخص البالغ اذا كذب احتمال يحك شي قريب من فمه
او خده
*

كيف تكشف الشخص يضحك صدق ولا يسلك لك
من خلال تجاعيد العين
اذا اتسع الفم وصغرت العيون وظهرت التجاعيد حول عيونه هذا صدق
اذا اتسع الفم والعين تقريباً مثل ماهي فـ هو يسلك لك للاسف

*

المصافحه
بعض الناس اذا تصافحوا تصير يد شخص فوق والثاني تحت
اللي فوق نقدر نقول كانت له احقية السيطره على الشخص الثاني
واللي تحت العكس يعني لو يقول له اللي معه أي شي بيوافقه

*

الوقفه عند التقاط الصور
اغلب الصور السياسيه تكون بمصافحه وشخص يمين وشخص يسار
او ببعض الصور اللي تجي بعد الاتفاقيات
اثبت ان الشخص اللي يسار دائماً يملك قدرة على جعل يده هي العليا في المصافحه لذلك تمكن من السيطره وفرض الشخصيه حتى ولو كان عن طريق المصافحه فقط

*



جلوس الشخص ووضع يده على ذقنه
معناه انه معترض على اليي قاعد يسمعه او يشوفه
وممكن بأي لحظه يتهجم على رأيك !
,،

بالنسبة لتجربتي بهالمجال
عشقت هالشي من يوم عرفته وحاولت اتثقف فيه
انا راضيه عن المستوى اللي وصلت له بس مااعتقد اني رح اقدر اواجه شخص اقوله انت كذاب او انت ماتقصد هالشي !
اول شي كان عن طريق الكتب وكانت اكثر وسيلة طورتني
بعدين اتجهت للبرامج او المسلسلات اللي تعتمد على هالشي صرت اشوفه عملي !
كثير بيقولون شقا وليش اشوف اشياء تضيق الصدر احياناً
انا بالنسبة لي مايضايقني بالعكس وضح لي شخصيات كثيره
وكثير عندهم رغبة بس يستصعبونه وانا اشوف انه سهل خصوصاً لو كان جماعي
وبعدين هو شي مكتسب واللي اكتسبوه مو احسن مننا

من المواقف
كنت اطلب من وحده مصارحتي بشي
وبدت تحكي
كان ودي اقولها نضيع وقتنا وتتعبين بالكلام وانتي كذذابه ليه !
كانت تتجنب تناظرني
وماتبتسم ابداً من باب اني تراني جد ماامزح
تجرأت وقلتلها قوليه اللي قلتيه بالتراجع يعني ارجعي لورا
ماقدرت !
لان هالشي مو موجود حقيقي بدماغها له اختراع !
وماانكرت انها كذبت

منقول